Hawlaha MLL ee Qoysaska
MLL wuxuu soo dhaweynayaa adiga iyo qoyskaaga inaad ku biirtaan hawlahayaga!
Ururka badbaadada carruurta ee Mannerheim waa urur kaalmeeya isla markaasna garab siiya qoysaska marka ay xaalado kala duduwan ku jiraan. Waxaan bixinaa barnaamijyo xiiso leh adiga iyo ilmahaaga, iyo sidoo kale fursado aad kula xiriirto qoysaska kale. Waxaad kaalmo ka heli kartaa waalidiinta kale iyo wadahadallo toos ah si shakhsi ah iyo kuwo internetkaba leh.
Boggan, waxaan ku soo uruurinay macluumaad ku saabsan waxqabadkeena qoysaska, oo ay weheliso xiriirrada adeegyada kale ee la xiriira.
Nala soo xiriir si dhiiranaan ku jirto – keligaa ma ihid.
Ururka badbaadada carruurta ee Mannerheim
Ururka badbaadada caruurta gobalka Koofulgalbeed-Finland ee (MLL) waa urur aan faa’iido-doon ahayn oo siyaasad iyo diin ahaanba madaxbanaan, kaas oo dhammaan qoysaska si diirran u soo dhoweynayo in ay ku biiraan. Hadafkeenu waa sameynta dalka Finland oo ah dal saaxib la ah caruurta ,taas oo cunug walba iyo qof kasta oo da’yar ah ay fursad u helaan nolol wanaagsan oo nabad ah. Hawlaheenna wax qabadkeena waxay ay soo jireen muddo ka badan 100 sano, MLL-na waxay door muhiim ah ka qaadatay horumarinta xarumaha caafimaadka hooyada iyo dhalaanka iyo sidoo kale xirmooyinka hooyada.
Waxaan u fidinaa carruurta, waalidiinta, iyo qoysaska fursado badan oo xiriir la leh, taageero, iyo waxqabadyo asaasi ah – goobahena iyo internetka labadaba. Ka baro hawlahayaga iyo inaad heshid hab aad kaga qayb qaadato oo ku haboon xaaladaada nololeed. Nala soo xiriir haddii aad raadinayso waxyaabo xiiso leh oo aad la samayso cunuggaaga ,ama u baahatid taageerada asaaga ah, ama aad doonayso in aad la sheekeysato qof aad ku kalsoonaan karto.
Kulamada Ilmaha iyo Kafeteriyooyinka Qoyska
Waxaan leenahay dhawr kooxood oo kala duwan, kuwaas oo aad kula kulmi karto waalidiinta kale iyo meelaha ilmahaagu ka heli karo ciyaar. Ka qaybgalku waa bilaash, mana jirto baahi loo qabo in horay loo sii diiwaangeliyo. Kooxa kooxaha waa tusaale ahaan:
- Ku-kulmada qaxwada carruurta: Kooxahan waxaad kula kulmi kartaa waalidiinta kale ee ilmaha dhashay. Wada-sheekeysiyada ay xittaa hogaaminayaan khubarada ayaad ka qeybqaadan kartaa.
- Family Café: Halkan waxaad kula kulmi kartaa waalidiinta kale ee caruurta leh. Waxaad ka qeybqaadan kartaa wax qabadyo kala duwan oo ku habboon qoysaska adiga iyo carruurtiina, sida shaqo gacmaha iyo kulamada muusikada.
Deegaano badan oo Koofurgalbeed-Finland ku yaalla waxaa ka jira kooxo. Kulmada carruurta waxaad sidoo kale ka qeyb qaadan kartaa internetka.
Hawlaha deegaanka
Degmo kasta oo Koofurgalbeed-Finland ah waxaa ka shaqeeya ururada maxaliga ah ee MLL. Waxay abaabulaan howlo badan oo kala duwan oo loogu talogalo carruurta, dhalinyarada iyo qoysaska. Hawlaha waxaa ka mid ah dhacdooyinka, safarrada, kulamada isboortiga, iyo sidoo kale dhallinyarada, deegaanka iyo waxqabadyada dhaqamada kala duduwan.
Ururo badan oo maxalli ah ayaa sidoo kale maamusha kafeteriyo qoysaska, kuwaas oo ah goobo furan oo lagu kulmo oo loogu talogalay qoysaska carruurta leh.
Hawlaha dhallinyarada
Ururadeena maxaliga ahi siyaabo badan ayey u taageeraan nolol wanaagga dhallinyarada. Waxay abaabulaan naadiyo, dhacdooyin iyo hawlo isboorti.
Ugu badnaan dugsi dhexe kasta ah ku yaalla koofurgalbeed-Finland wuxuu leeyahay barnaamijka taageerada ardayga. Taageerayaasha fasalada 7-9 ayaa ah arday joogto ah oo ka kala socda fasalada 7-9, kuwaas oo si mutadawacnimo ah u caawiya dadka kale una abuuraan jawi dugsi oo wanaagsan. Waxay hagayaan ardayda cusub, waxayna hubiyaan in qofna uusan kalinimo ku dareemin dugsiga. Waxaanu bixinaa tababaro loogu talagalay taageerayaasha faca weyn iyo isku dubaridayaashooda, iyo sidoo kale qalab lagu taageerayo waxqabadkooda.
MLL wuxuu sidoo kale maamulaa Nuortennetti, oo ah bog loogu talogalay dhallinyarada, kaas oo bixiya macluumaad ku saabsan mowduucyada sida cabudhinta, qaangaadhnimada, galmada, isticmaalka maandooriyaha, xiriirka iyo xirfadaha warbaahinta. Nuortennetti waxaa kale oo ay fidiyaan telefoon wax lagula qabto dhalinyarada iyo sheekaysiga, halkaas oo ay dhallinyaradu la xiriiri karaan si ay u helaan taageero lacag la’aan ah oo qarsoodi ah.
Hagaha Qoyska
Waxaan tababar u qabanay dad taakulayn ah oo loogu yeero hagayaasha qoyska si aan u taageerno qoysaska carruurta leh caruurta da’doodu ka yar tahay todoba sano. Reer ku hagaya ayaa jooga oo la dhegaysanayaa oo kula hadlaa. Si wada jir ah ayaad u aadi kartaa lugeynta garaaca, waxaad booqan kartaa maqaayadda qoyska, aadi kartaa goobaha ay ku ciyaaraan, ama waxaad ka dukaameysan kartaa dukaameysiga cuntada. Sidoo kale gurigaaga waad ku kulmi kartaa oo waxqabad nolol maalmeed ayaad sameyn kartaa. Hagaha qoysku ma aha qof ilmaha yar ama caawiye reerka ku caawiya.
Hagaha qoysku wuxuu inta badan asbuuciiba mar la kulmaa adiga iyo qoyskaaga ama labadii toddobaadba mar dhowr saacado markiiba. Hagaha qoyska wuxuu ka caawin karaa,tusaale:
- Shabakadaada taageerada kuma filna
- Waxaad u guurtay magaalo ama deegaan cusub
- Waxaad dareentaa kalinimo ama daal
- Waxaad u baahan tahay dhiirigalin waalidnimada ah
- Waxaad rabtaa inaad kala sheekeysato nolosha qoyska iyo waalidnimada
Saaxiibka afka Finnishka ku hadlaya ee hooyooyinka u soo guuray Finland
Ma dooneysaa inaad saaxiib la noqoto qof dumar ah oo afka Finnishka ku hadasha. Ma waxaad raadineysaa saaxiib soo gudbin kara talooyin ku saabsan arrimaha yar-yar iyo kuwa waaweyn ee nolol-maalmeedka?
Si wadajir ah ayaad ku tababaran kartaa afka Finnishka, waxaad baran kartaa dhaqamada midkiinba midka kale dhaqamada, dukaameysiga, iyo socodsiin ama waxaad booqan kartaa beerta barxadda idinka iyo carruurtiina oo kaliya. Sidoo kale dhacdooyinka lala wadaago iyo dibad baxyada ayaad baran doontaa dumarka kale ee ka qayb qaadanaya barnaamijka saaxiibtinimada.
Barnaamijka saaxibtinimada
Ilmahaagu (6-17 jirsaday) ma wuxuu dareemayaa kalinimo? Nolol maalmeedka maku adagtahay iyaga? Iyada oo loo marayo Barnaamijkeena saaxibtinimada, ilmahaaga waxaa loo samayn karaa saaxiib weyn. Saaxiibkan qaangaarka ah ee la tababaray oo aaminka ku ah wuxuu siiyaa taageero iyo lasocosho, asagoo kala shekeysanayo caqabadaha adag ee nolo maalmedka ,sido kale farxadna siinayo.
Ilmahaaga iyo saaxiibkooda qaangaarka ah sida caadiga ah waxay wada qaataan dhawr saacadood laba saacadood bishiiba.
Baraha bulshada iyo Adeegyada Online
Turun Seudun Mamit
Turun Seudun Mamit waa goob kulan iyo koox taageero asalka ah oo loogu talagalay hooyooyinka ee Facebook. Waa goob lagu sheekeesan karo maalin kasta, xalinta dhibaatooyinka iyo saaxiibo helida.
Turun Seudun Isit
Turun Seudun Isit waa goob kulan iyo koox taageero asalka ah oo loogu talagalay aabayaasha Facebook. Waa goob lagu nasteexeeyo oo lagu wada sheekaysto, wax lagu xaliyo dhibaatada la wadaago iyo xidhiidho cusub.
Vanhempainnetti & Vanhempainpuhelin
Vanhempainnetti waxay bixisaa macluumaadyo iyo taageero ku aaddan nolol maalmeedka qoyska.
Khadka caawinta ee Vanhempainpuhelin (Telefoonka waalidka) wuxuu fidiyaa boos uu kaga hadlo arrin kasta oo la xidhiidha waalidnimada. Waxaad la hadli kartaa mutadawac tababaran, kaas oo sidoo kale waalid ah. Si qarsoodi ah ayaad telefoonka wax caawiyaa ugula xiriiri kartaa telefoon, wada sheekaysi ama warqad xagga internetka ah. Wadahadalka oo dhan waa kuwa kalsooni leh. Wicitaanadu waa lacag la’aan.
Shaqada iskaa wax u qabsada ah
MLL- waxaan ka hawlgalnaa shaqo mutadawacnimo ah si aan u taageerno carruurnimo farxad leh, dhallinyaro ammaan ah, iyo qoysaska carruurta leh caafimaad ahaantooda. Waxaan bixinaa fursado kala duwan oo iskaa wax u qabso, qof kasta oo daneynaya wanaagga carruurta, dhalinyarada iyo qoysaska waa la soo dhaweynayaa inuu ku biiro. Waxaan bixinaa tababaro dhameystiran oo ku saabsan dhamaan doorarka iskaa wax u qabso.
Waxaad adigu ikhtiyaar u tahay:
- Inaad saaxiib la noqoto ilmo ama qof da’yar
- Taageerada qoyska hagaha qoyska
- Saaxiib la noqo hooyo u soo guurtay Finland
- Abaabul hawlo urureed ka mid ah urur
- Hogaamiyaha kafeteriyeedka qoyska
- Caawimaadda mutadawacnimada ah ee kafeteriyooyinka ama munaasabadda qoyska
- Iskaa wax u qabso oo ah MLL-ayeeyo ama -awoowe
- Ku biir sida mutadawacnimo deriska
Luottoa arkeen – Taageerada nolol maalmeedka
Qoyskaaga ma wajahayaa caqabado dhaqaale? Ma u baahan tahay taageero waalidka adigoo maareynaya walaacyada kale?
Barnaamijkeena Luottoa arkeen waxaa loogu talagalay waalidiinta carruurta da’doodu ka yar tahay 18 sano. Waxaan bixinaa hagitaan adeegga, taageerada asxaabta ah, dhacdooyinka, iyo noocyada kale ee caawimo ah si aanu kuu maareyno xaalado adag.
Naapuri-toiminta – Barnaamijka dariska
Waxaan taageernaa isdhexgalka qoysaska soo galootiga ah ee carruurta leh iyada oo la adeegsanayo barnaamijkeenna dariska, kaas oo xoojinaya dareenka lahaanshaha iyo wax-ku-yeelashada bulshada.
Waxaan ugu baaqaynaa dhammaan qoysaska in ay ku biiraan kafeteriyooyinka iyo munaasabadaha qoyska ee maxalliga ah, si ay ula kulmaan qoysas kale oo deggan degaanka. Waxaanu bixinaa bulsho amaan ah oo qof waliba wax ku kordhin karo iyadoo la raacayo khayraadkooda.
Lastensuojelu.info
Lastensuojelu.info- waxaad ka heleysaa xogo aasaasiya adeegyada qoysaska carruurleyda Finland luuqado kala duwan ku qoran. Beejkaas waxaa loogu talogaley qaas ahaan waalidiinta ajaanibta iyo shaqaalaha xirfadleyda ah eey wada shaqeynta ka dhexeeyso.
Bulshada ayaa siyaabo badan ku caawisa qoysaska carruurleyda waxaana jira adeegyo marxaladaha kala duwan ee nolosha looga caawinnayo. Talosiin iyo kaalmo intaba waxey ka helayaan degmadooda adeega carruurta iyo qoysaska, hay’adaha iyo ururuda iyo weliba mowlac masiixiyeedka iyo urur diimeedyada kale.